პირველი ეზრა · თავი 2

ძველი ქართულითანამედროვე ქართული
1

და ესე არიან ძენი ისრაჱლისანი თჳთეულად ადგილთაგან, რომელნი გამოვიდოდეს ტყუეობისაგან, რომელი წარტყუევნა ნაბუქოდონოსორ მეფემან ბაბილონად, რომელნი მიაქცია კჳროს ბაბილოვნით იერუსალჱმდ ჰურიასტანად, კაცნი თჳთეულად ქალაქსა თჳსსა,

აჰა, ერთი მხარის მცხოვრებნი, რომლებიც გადასახლებული იყვნენ ბაბილონში ბაბილონის მეფის ნაბუქოდონოსორის მიერ და დაბრუნდნენ იერუსალიმში და იუდაში, თითოეული თავის ქალაქში,

2

რომელნი გამოსულ იყუნეს ზურობაბელის თანა: ისუ, ნეემია, სარეა, ჰრეილიას, მარდოქეა, ბალაასან, მასაფარ, გაგუვარ, ჰრეუმ, ბაანა. ესე არს რიცხჳ კრებულის მის ძეთა ისრაჱლისა.

ისინი, რომლებიც მოვიდნენ ზერუბაბელთან, იესოსთან, ნეემიასთან, სერაიასთან, რეყელაიასთან, მორდექაისთან, ბილშანთან, მისფართან, ბიგვაისთან, რეხუმთან, ბაყანასთან ერთად. აჰა, ისრაელის ერის მამაკაცთა რიცხვი:

3

ძენი ფორსისნი ორ ათას ასსამეოცდაათორმეტ.

ფარყოშიანები ორი ათას ასსამოცდათორმეტი,

4

ძენი საფატისნი ოთხასსამეოცდაათორმეტ.

შეფატიანები სამას სამოცდათორმეტი,

5

ძენი არისისნი შჳდასსამეოცდაათექუსმეტ.

არახიანები შვიდას სამოცდათხუთმეტი,

6

ძენი ლეფთალემისანი, მოაბელისნი, და ძეთა ისუთა, და აროაბისთა, ორ ათას რვაასდაათორმეტ.

ფახათ-მოაბიანები იესოიანთაგან და იოაბიანთაგან ორი ათას რვაასთორმეტი,

7

ძენი ელმოსნი ორ ათას ორასერგასისდაოთხ.

ყელამიანები ათას ორას ორმოცდათოთხმეტი,

8

ძენი ზატუნასნი ცხრასასოცდახუთ.

ზათუიანები ცხრაას ორმოცდახუთი,

9

ძენი ქორებისნი შჳდასერგასის.

ზაქაიანები შვიდას სამოცი,

10

ძენი ბანესნი ათას ორმეოცდარვა.

ბანიანები ექვსას ორმოცდაორი,

11

ძენი ბებენისნი რვაასოცდასამ.

ბებაიანები ექვსას ოცდასამი,

12

ძენი არგესნი ათას სამასოცდაორ.

ყაზგადიანები ათას ორას ოცდაორი,

13

ძენი ადონივამისნი რვაასსამეოცდაათშჳდმეტ.

ადონიკამიანები ექვსას სამოცდაექვსი,

14

ძენი ბოსორისნი ორ ათას რვაასდაექუს.

ბიგვაიანები ორი ათას ორმოცდათექვსმეტი,

15

ძენი ადდლნასნი ოთხასერგასისდაოთხ.

ყადიანები ოთხას ორმოცდათოთხმეტი,

16

ძენი აზერ ეზეკიასნი ოთხმეოცდათექუსმეტ.

ხიზკიანთ ატერიანები ოთხმოცდათვრამეტი,

17

ძენი ბესიასნი სამასოცდახუთ.

ბეცაიანები სამას ოცდასამი,

18

ძენი იარასნი ასდაათორმეტ.

იორაიანები ასთორმეტი,

19

ძენი ასუმისნი ორასოცდასამ.

ხაშუმიანები ორას ოცდასამი,

20

ძენი გაბერისნი ოთხმეოცდაათხუთმეტ.

გიბარიანები ოთხმოცდათხუთმეტი,

21

ძენი ბეთლემისნი ასოცდასამ.

ბეთლემიანები ასოცდასამი,

22

ძენი ნოტოფისნი ერგასისდაექუს.

ნეტოფას ხალხი ორმოცდათექვსმეტი,

23

ძენი ანთოეთისნი ასოცდარვა.

ყანათოთის ხალხი ასოცდარვა,

24

ძენი ისემოთისნი ორმეოცდაორ.

ყაზმავეთის ხალხი ორმოცდაორი,

25

ძენი კარიათირიმისნი ქაფირა და ბეროთ, შჳდასორმოცდასამ.

კირიათ-ყარიმელები, ქეფირელები, ბეეროთელები შვიდას ორმოცდასამი,

26

ძენი რასამისნი და გებასნი ათას ოცდაერთ.

რამელები და გაბაყელები ექვსას ოცდაერთი,

27

ძენი მაქამისნი ასოცდაორ

მიქმასის ხალხი ასოცდაორი,

28

ძენი ბეთელისნი და იედეასნი ოთხასოცდასამ.

ბეთელისა და ჰაგაის ხალხი ორას ოცდასამი,

29

ძენი ნაბუისნი ერგასისდაორ.

ნებოელები ორმოცდათორმეტი,

30

ძენი მაგებისნი ასერგასისდაექუს.

მაგბიშელები ასორმოცდათექვსმეტი,

31

ძენი ელამარისნი ათას ორასერგასისდაოთხ.

სხვა ყელამის მკვიდრნი ათას ორას ორმოცდათოთხმეტი,

32

ძენი არამისნი სამასდაოც.

ხარიმიანები სამას ოცი,

33

ძენი ლიდლონისნი ლოვდადიდ და ონა, შჳდასოცდახუთ.

ლოდის, ხადიდის და ონოს ხალხი შვიდას ოცდახუთი,

34

ძენი იერიქოვისნი სამასორმეოცდახუთ.

იერიხონელები სამას ორმოცდათხუთმეტი,

35

ძენი სენნასნი სამ ათას ექუსასოცდაათ.

სენაელები სამი ათას ექვსას ოცდაათი,

36

და ძენი მღდელთანი და ძენი ედდოასნი სახლისა ისოსნი იოესედეკეანისნი ცხრაას სამეოცდაცამეტ.

მღვდლები: იედაყიანები იესოს სახლიდან ცხრაას სამოცდაცამეტი,

37

ძენი ემერისნი ათას ერგასისდაორ.

იმერიანები ათას ორმოცდათორმეტი,

38

ძენი ფასურისნი ათას ორასორმეოცდახუთ.

ფაშხურიანები ათას ორას ორმოცდაშვიდი,

39

ძენი ერემისნი ათას შჳდას.

ხარიმიანები ათას ჩვიდმეტი,

40

და ლევიტელთანი იგი ძენი ისუასნი, კადმიოელ ძისა სუდიასი სამეოცდაათოთხმეტ.

ლევიანები: იესოიანები და კადმიელიანები ჰოდავიანთაგან სამოცდათოთხმეტი,

41

და რომელნი-იგი იყუნეს მეფსალმუნენი და შემასხმელნი და ძენი იგი ასაფისნი ასოცდარვა.

მგალობელნი: ასაფიანები ასოცდარვა,

42

და ძენი მეკარეთანი, ძენი ელუმასნი, ძენი ატერისნი, ძენი ტელმონისნი და ძენი აკაკბობისნი, ძენი ატიტასნი, ძენი სობასნი, ყოველივე ასოცდააცხრამეტ.

კარისმცველთა მოდგმა: შალუმიანები, ატერიანები, ტალმონიანები, ყაკუბიანები, ხატიტაიანები, შობაიანები, სულ ასოცდაცხრამეტი,

43

და ნათანისგან თესლნი: ძენი არალისნი, ძენი ასუფასნი, ძენი ტაბაოტისნი.

შეწირულნი: ციხაიანები, ხასუფაიანები, ტაბაყოთიანები,

44

ძენი კერაოსისნი, ძენი სიაასნი, ძენი ფადოენისნი.

კეროსიანები, სიყაჰაიანები, ფადონიანები,

45

ძენი ლაბანისნი, ძენი ადაბისნი, ძენი აკობისნი.

ლებანიანები, ხაგაბაიანები, ყაკუბიანები,

46

ძენი ადაბისნი, ძენი სელამისნი, ძენი ანანისნი.

ხაგაბიანები, შამლაიანები, სანანიანები,

47

ძენი გედდელისნი, ძენი გაარისნი, ძენი ჰრადისნი.

გიდელიანები, გახარიანები, რეაიანები,

48

ძენი ჰრასუნისნი, ძენი გაზაამისნი, ძენი ნეკოვდასნი.

რეცინიანები, ნეკოდაიანები, გაზამიანები,

49

ძენი გაზანისნი, ძენი ფასესნი, ძენი ბაასისნი

ყეზაიანები, ფასეახიანები, ბესაიანები,

50

ძენი ასენისნი, ძენი მოვანიმისნი, ძენი ნეფუმისნი.

ასნაიანები, მეყუნიმიანები, ნეფუსიმიანები,

51

ძენი ბაკუთისნი, ძენი აკუფასნი, ძენი არურასნი.

ბაკბუკიანები, ხაკუფაიანები, ხარხურიანები,

52

ძენი ბავლუთისნი, ძენი მიდაასნი, ძენი არისასნი.

ბაცლუთიანები, მეხიდაიანები, ხარშაიანები,

53

ძენი ბარკოსისნი, ძენი სისარასნი, ძენი თამაისნი.

ბარკოსიანები, სისრაიანები, თამახიანები,

54

ძენი ნესოვასნი, ძენი ატტუფასნი.

ნეციახიანები, ხატიფაიანები,

55

ძენი მონათა სოლომონისნი, ძენი სოტეასანი, ძენი ასუფერატისნი, ძენი ფაკდურასნი.

სოლომონის მორჩილთა მოდგმა: სოტაიანები, სომერეთიანები, ფერუდაიანები,

56

ძენი იელაასნი, ძენი კედროვნისნი, ძენი კედედელისნი.

იაყალაიანები, დარკონიანები, გიდელიანები,

57

ძენი საფასტასნი, ძენი ატტილისნი, ძენი ფაქერუთისნი, ასაბუბ, ძენი იემეისნი.

შეფატიანები, ხატილიანები, ფოქერეთ-ჰაცებაიმიანები, ამიანები,

58

ყოველნი იგი ძენი ნათანისნი და ძენი მონათა მათ სოლომონისათანი სამასოთხმეოცდაათორმეტ.

შეწირულნი და სოლომონის მორჩილთა მოდგმა სულ სამას ოთხმოცდათორმეტი.

59

და ესენი არიან გამოსრულნი თელმელექად, თელარესად, ქერობად, ედარ და ემერად, და ვერ შეუძლეს თხრობად სახელთა მამათა თჳსთასა, უკუეთუ არს ნათესავი მათი ისრაჱლისაგან.

აჰა, თელ-მელახიდან, თელ-ხარშიდან, ქერუბ-ადანიმერიდან გამოსულნი, რომელთაც ვერ შეძლეს გაერკვიათ თავიანთი მამისსახლები და მოდგმა, იყვნენ თუ არა ისინი ისრაელიდან:

60

ძენი დალავისნი, ძენი ტობიასნი, ძენი ნეკოდასნი ექუსასერგასისდაორ.

დელაიანები, ტობიანები, ნეკოდაიანები - ექვსას ორმოცდათორმეტი;

61

და ძეთა მათგან მღდელთასა: ძენი აბაასნი, ძენი აკოსისნი, ძენი ბერზელესნი, ვითარცა მოიყვანნა ასულთა მათგან ბერზულოსთა გალაადიტელისა თჳსა ცოლად, იყო დავიწყება სახელთა მათთა.

მღვდელთა მოდგმა: ხაბაიანები, ჰაკოციანები, ბარზილაიანები, რომელთაც გალაადელი ბარზილაის ქალიშვილები მოიყვანეს ცოლად და მათ სახელზე დაეწერნენ.

62

და ეძიებდეს ნათესავთა რიცხუსა წიგნთა მათსა და არა იპოვა. და განაშორნეს იგინი მღდელთაგან.

ისინი ეძებდნენ თავიანთ საგვარტომო წიგნს და ვერ იპოვნეს; და განეყენნენ მღვდლობიდან.

63

და ჰრქუა ანამესითა მათ: არა წეს არს თქუენდა ჭამად სიწმიდისა მისგან წმიდათასა, ვიდრემდის აღდგეს მღდელთმოძღუარი და განცხადებულად უჩუენოს, მის მიერ განათლდენ ყოველნი სრულიად.

უთხრა მათ განმგებელმა, რომ არ ეჭამათ წმიდათა წმიდიდან, ვიდრე არ დადგებოდა მღვდელი ურიმითა და თურიმით.

64

და იყო ყოველი იგი კრებული ერთბამად ოთხ ბევრი ორ ათას სამასსამეოც.

მთელი კრებული ერთად შეადგენდა ორმოცდაათი ათას სამას სამოც კაცს,

65

გარნა მონათა და მჴევალთა მათთა და მწყემსნი მათნი - ათას სამასოცდაათჩჳდმეტ და შემსხმელნი მეფსალმუნენი მათნი, მამანი და დედანი ორას;

გარდა მათ ყმათა და მხევალთა; ესენი იყვნენ შვიდი ათას სამას ოცდაჩვიდმეტი, მათ შორის მგალობელი კაცები და მგალობელი ქალები - სულ ორასი სული.

66

ცხენები მათი შჳდასოცდათექუსმეტ და ჯორები მათი ორასორმეოცდაშვიდ.

მათი ცხენები - შვიდას ოცდათექვსმეტი, მათი ჯორები - ორას ორმოცდახუთი,

67

და აქლემები მათი ოთხასოცდაოხუთმეტი და ვირები მათი ექუს ათას შჳდასდაოც;

მათი აქლემები - ოთხას ოცდათხუთმეტი, ვირები - ექვსი ათას შვიდასოცი,

68

და მფლობელნი იგი მამათმთავარნი, რომელნი მოვიდეს სახლსა უფლისასა იერუსალჱმდ, შეწირეს სახლსა ღმრთისასა განმზადებულება საშენებელად მისა,

მამისსახლთა თავკაცებმა უფლის ტაძართან მისვლისას იერუსალიმში ნებაყოფლობით გაიღეს შესაწირავი ღვთის ტაძრისათვის, რომ აღდგენილიყო იგი თავის საძირკველზე.

69

რაოდენიცა იყო ძალი მათი, მისცეს აღსაგებელად საფასე საჴმრისა: ოქრო დიდრაქმა ექუსი ბევრი და ათას და ასი, და ვეცხლი ხუთ ათასი ქანქარი და კუართები სამღდელო ასერგასის.

თავიანთი შეძლებისამებრ შეიტანეს სამუშაოთა ხარჯისათვის საგანძურში: სამოცდაერთი ათასი დრაქმა ოქრო, ხუთი ათასი მინა ვერცხლი და ასი ხელი სამღვდელო შესამოსელი.

70

დასხდეს მღდელნი და ლევიტელნი და ერისა მისგანნი შემასხმელნი და მეკარენი ნათანელნი ქალაქთა თჳსთა და ყოველნი ისრაჱლნი ქალაქთა თჳსთა.

დასახლდნენ მღვდლები, ლევიანები, მდაბიორნი, მგალობელნი, კარისმცველები და შეწირულნი თავ-თავიანთ ქალაქებში; მთელი ისრაელი თავ-თავის ქალაქში დასახლდა.