ჩვენი სამრევლო
ბარსელონის წმინდა ნინოს სახელობის ქართული მართლმადიდებელი სამრევლო არის რწმენის, ლოცვისა და ერთობის ადგილი. აქ ჩვენ ვინარჩუნებთ და ვაგრძელებთ ქართული მართლმადიდებელი ეკლესიის სულიერ ტრადიციას, ვაერთიანებთ ოჯახებს, ბავშვებსა და მორწმუნეებს და ვცდილობთ, ბარსელონაში ცოცხლად შევინარჩუნოთ ჩვენი სარწმუნოება, კულტურა და ქართული სულიერი მემკვიდრეობა.
მამა ლუკა
მამა ლუკა ჩვენი სამრევლოს მოძღვარია. მისი ერთგული მსახურება, სულიერი მხარდაჭერა და მუდმივი სიახლოვე მრევლთან, ოჯახებთან, ბავშვებთან და მთლიანად ქართულ საზოგადოებასთან წლების განმავლობაში ჩვენი სამრევლოს ცხოვრების მნიშვნელოვან საყრდენად იქცა და დღემდე აძლიერებს მის ერთობასა და სულიერ გზას. ყოველ კვირას შეგიძლიათ შემოგვიერთდეთ პირდაპირ ეთერში და დაესწროთ წირვა-ლოცვებს.
საკვირაო სკოლა
რელიგია • ქართული ენა და ლიტერატურა • საქართველოს ისტორია • ქართული კალიგრაფია
სასწავლო პროგრამა
საკვირაო სკოლაში ბავშვები ეცნობიან მართლმადიდებლურ სარწმუნოებას, ქართულ ენას, ისტორიასა და კულტურას, ინარჩუნებენ ქართულ თვითმყოფადობას და სიყვარულს სამშობლოსადმი.
ქართული ცეკვები „ ქართველო
ქართული ცეკვა • ეროვნული ტრადიცია • სცენური კულტურა
ბავშვები სწავლობენ ქართულ ხალხურ ცეკვებს, ეცნობიან საქართველოს სხვადასხვა კუთხის ტრადიციებს და სცენაზე აცოცხლებენ ქართული კულტურის ხასიათს, ენერგიასა და სილამაზეს.
შემოქმედებითი წრეები
მუსიკალური სტუდია „გამა“ • გიტარის წრე • სტუდია „ვაზი“
ბავშვები მუსიკისა და შემოქმედებითი საქმიანობის საშუალებით ავითარებენ საკუთარ ნიჭს, თავდაჯერებასა და სცენურ გამოცდილებას, სწავლობენ ერთად მუშაობას და კიდევ უფრო უახლოვდებიან ქართულ კულტურასა და ტრადიციებს.
სამრევლოს ცხოვრება
გალერეა
ღონისძიებები
ჩვენი სამრევლოს ფოტოთეკა
შეხვედრები და კონცერტები